KOSA XE£A £A LENGOA VENETA?

El vèneto (£a léngoa parlà in te'l Vèneto) £a fa parte del grupo ocidenta£e de£e léngoe romanxe, insieme ko tuti i idiomi de£a pianura padana, el francexe e £e lengoe Iberike (£e léngoe de£a penixo£a italika £e fa parte del grupo romanxo oriental). Anka se £a strutura gramatega£e £a xe de cara orijine latina, el so bokau£ario el ga de£e influense dhermànege, celte, e £a ga nkora dei liganbi ko l'antiga léngoa venetega.

RIPASO DE£A PRONUNÇIA E GRAMATEGA:

Çernìr na £étara: ABCÇDEFGHIJKL£MNOPRSTUVXYZ (with audio)

KARATERISTEGE DEL VENETO E I SO DIA£ETI

£a karateristega pì evidente del veneto £a xe £a dolçe artiko£athión e el pasayo da konsonati intervoka£ike mute e voka£ixà, insieme ko £a mankansa tota£e de alongamenti konsonategi. Nantro trato distintivo el xe l'influensa dhermànega ke el bokau£ario vèneto el ga (soratuto in te £e aree montane). Ko ste karateristege, el veneto se identifika in maniera cara kofà na unità utonoma in te'l konpleso lenguistego de l'area padana.

Ankó xe posibi£e individuar de£e varianse drento el veneto, standoge rente a£a klasifikathión indikà da Dante in te'l XIII seko£o, ko ke'l ga divixo £a léngoa vèneta in tri. Ankó £e varianse prinçipa£i £e xe:

Venesiàn (parlà a Venesia, Mestre e altri paexi kostieri). El ga vintikoatro fhonèmi, sete voka£i e dixsète konsonanti; i ploxivi de orijine latina i vién mo£egà e voka£ixà e tante olte i sparìse konpreti; no se kata nisuna dopia konsonante; ge xe altre karateristege, ma £a pì tipika £a koe£a del fhonèma £ ke xe mo£egà fina deventare na semi-voka£e pre-ve£are; Par via del lesiko, se pol deskrivarlo kofà uno de i pì orijina£i, soratuto in te'l setore marino e de bokau£ario nautiko;

Vèneto Çentra£e (Pava, Vicensa, £a foce del Po), el xe karaterixà da£a soprevivensa dei fhonemi interdenta£i ke i se sente nkora.

Vèneto Setentriona£e (Trevixo, Feltre Be£ùn): ste xone £e xe ai konfini ko £e aree ladine e el furlàn, e el lèsiko xe karaterixà kofà "alpìn" in kontrasto ko el Venesiàn de£a kosta; mentre Trevixo el mostra l'influensa de Venesia, in te £e aree de kanpanha se sente nkora i fhonèmi interdentà£i.

Vèneto Ocidenta£e (Verona): storikamente sta area no £a fa aprte de l'area veneta e xe par koesto ke se kata na kuantità de difarense tra sta provinça e el resto del Veneto;

Venesian “Colonial” (according to the definition of the American linguist Bidwell): el ga tante varianse interne e xe parlà in te £a Venetia orijina£e, kofà in Venesia Julia, Istria, Dalmazhia e altre aree Adriatege ke £e xera dominà da£a Repiovega Venesiana.

Inbèkane on liganbo da takar in sta kategoria

Inbèkane on liganbo da takar in sta kategoria