In te le scriture vènete no se pol far de manco de doparar un sistèma de acentasion.

• Co' "sistèma" se intende un mètodo de acentar evitando de farlo "a caxo", o secondo come che calcheduni altri al pòsto de i scriventi i deside albitrariamente, drio considerasion de órdene difarente da l'exigensa de trascrision fonèdega. Cioè acentar co'l mìnimo nùmaro de segni, in manièra che se pòse lèxer le scriture univocamente, da marelengua o da prensipiante. Niove o vèce che sipia le paròle che se dòpara, de cualsesipia proveniensa, de che ètimo, indìxene o forèste, no inpòrta da chi e indove che le vien prononsiàe; a seguindo un sistèma, el parlante el pol conservar tuto "ladinamente" e integralmente, come su un documento audio. Cuesto xé el senso primario de tute le scriture de tipo alfabèdego, difarenti da ideogrami, da scriture antighe a rebus, o da modèli de scritura albitrari. I parlanti i se tol la sacrosanta libartà, drio dirito natural, de scrìver la so lengua, né de pì né de manco, e chi che lèxe, informà su grafìa e sistèma de acentasion, el xé meso in grao de lèxer la lengua, vera, de'l scrivente. L'ùnica alternadiva, senpre praticàbile da o vèrso 'l estèrno, la xé na tradusion scrita in te la lengua de chi che lèxe. Sta pàxina, e in xènare sto sito, la xé scrivesta in venesian de tèra-ferma co'l sistèma de acentasion descrito, cuelo consejà dai lenguisti e abitualmente pì doparà dai scriventi in lengue romanxe ocidentali de àrea padana.

      Speso e volentièra, gran parte de le paròle tronche (o prexunte tali) che le fenise in consonante le gà la vocal tònica serada. Se preferise lora de no acentarle, e de farlo escluxivamente par i caxi particolari de vocal vèrta.

     Tuto ciò se lo lèxe, scrito co' o sensa acento, in te na manièra ùnivoca, detada da la convension: parón, cantón, savér, parér, perèr, stramasèr, subiòt.

      Oviamente nisun problèma par paròle tronche in consonante che le gà el tònico su "a", "i", "u". Se pol cavar via tuti i acenti:

      Cusì sarà anca par paròle piane

      Oviamente nisun problèma par paròle piane che le gà el tònico su "a", "i", "u". Se pol cavar via tuti i acenti:

      Anca el "Manuale di grafia veneta unitaria" el gà nòde su l'acentasion, ma, pì gualivamente oncora, se pol condensar tuto in 3 ponti:

• Se acenta paròle sdrùciole o bisdrùciole senpre.
• Se acenta paròle tronche o piane unicamente se la vocal tònica la xé vèrta /ò/ /è/.
• Se acenta senpre i ditonghi in fine paròla e le tronche in vocal

Naturalmente vansa racuante omòfone (e cuindi, in vèneto, omògrafe) par cui xé anca posìbile e conveniente na convension de xonta, par distìnguer de pì, e incorporar pì informasion in te la scritura. E lora se preferirà acentar i vèrbi pitòsto che el rèsto, siando però cuesta na rafinatesa de stil no indispensàbile, e da doparar in caxi de alta letradura.